პერსონაჟი: ფატმანი

ლიტერატურული გადაცემა „წახნაგები“ რუბრიკით „პერსონაჟი“, რომელშიც, როგორც წესი, მსოფლიო ლიტერატურის დიდ პერსონაჟებზე ვამახვილებთ ყურადღებას, ამჟამად გთავაზობთ "ვეფხისტყაოსნის" ერთ-ერთ ყველაზე საინტერესო და მოულოდნელ პერსონაჟზე, ფატმანზე. რუსთველს უყვარს სამეულები და ვაჟთა სამეულის (ტარიელი, ავთანდილი, ფრიდონი) გვერდით აშკარად იკვეთება ქალთა სამეულიც (ნესტანი, თინათინი, ფატმანი). ჩემი აზრით, აშკარაა, რომ ქალთა სამეულის მესამე წევრი თავისი მნიშვნელობით აშკარად აღემატება ვაჟთა სამეულის მესამე წევრს. ავთანდილისა და ფატმანის ურთიერთობა ავთანდილის მხრიდან იმგვარი კომპრომისია, რომელსაც ტარიელი ვერ დაუშვებდა. სწორედ ამ კომპრომისის შედეგად შეხვდა ერთმანეთს ორი ინფორმაცია: ავთანდილმა იცის, ვინ არის ნესტანი, მაგრამ არ იცის, სად იყო და სად შეიძლება ახლა იყოს ის, ხოლო ფატმანმა არ იცის, ვინ არის ნესტანი, მაგრამ კარგად მოეხსენება, სად იყო და სად არის იგი ამჟამად. როგორ შეასრულა მსუბუქი ყოფაქცევის, „უარყოფითმა“ პერსონაჟმა უაღრესად „დადებითი“ როლი, როგორ გაამართლა ავთანდილის კომპრომისმა თინათინის სიყვარულთან და საკუთარ სინდისთან, როგორ მოემსახურა თავისი სიკვდილით ჭაშნაგირი სიკეთის, ნესტანის პოვნის იდეას, - ყველაფერ ამაზე იქნება საუბარი გადაცემაში.